Maruti Suzuki S-Presso : ಮಾರುತಿ ಸುಜುಕಿ ಎಸ್-ಪ್ರೆಸ್ಸೊ (Maruti Suzuki S-Presso) ಪ್ರಮುಖ ಹ್ಯಾಚ್‌ಬ್ಯಾಕ್ ಆಗಿದ್ದು, ಆಕರ್ಷಕ ವೈಶಿಷ್ಟ್ಯಗಳನ್ನು ಹೊಂದಿದ್ದರೂ ಮಾರಾಟದಲ್ಲಿ ಕುಸಿತ ಕಂಡಿದೆ. ಜುಲೈ 2025ರಲ್ಲಿ ಕೇವಲ 912 ಯುನಿಟ್‌ಗಳನ್ನು ಮಾರಾಟ ಮಾಡಲಾಗಿದ್ದು, 2024ರ ಇದೇ ಅವಧಿಯಲ್ಲಿ 2607 ಯುನಿಟ್‌ಗಳು ಮಾರಾಟವಾಗಿದ್ದವು. ಅಂದರೆ ವರ್ಷದಿಂದ ವರ್ಷಕ್ಕೆ ಶೇಕಡಾ 65.02ರಷ್ಟು ಕುಸಿತವಾಗಿದೆ.
ಫೆಬ್ರವರಿಯಿಂದ ಜೂನ್‌ವರೆಗೆ ಒಟ್ಟು 7,374 ಯುನಿಟ್‌ಗಳನ್ನು ಮಾರಾಟ ಮಾಡಲಾಗಿದ್ದು, ಪ್ರತಿ ತಿಂಗಳು ಸರಾಸರಿ 1,474 ಯುನಿಟ್‌ಗಳಷ್ಟೇ ಮಾರಾಟವಾಗಿದೆ.
ಡಿಮ್ಯಾಂಡ್ ಕುಸಿತಕ್ಕೆ ಕಾರಣ
ಮಾರುತಿ ಎಸ್-ಪ್ರೆಸ್ಸೊ ಮಾರಾಟ ಇಳಿಕೆಯಾಗಲು ಪ್ರಮುಖ ಕಾರಣವೆಂದರೆ, ಸ್ವಲ್ಪ ಹೆಚ್ಚು ಹಣ ಪಾವತಿಸಿದರೆ ಗ್ರಾಹಕರು ಹೊಸ ಎಸ್‌ಯುವಿ ಕಾರನ್ನು ಖರೀದಿಸಬಹುದು. ಇದೇ ಸಮಯದಲ್ಲಿ ಹಲವರು ಪುಟ್ಟ ಹ್ಯಾಚ್‌ಬ್ಯಾಕ್‌ಗಿಂತ ದೊಡ್ಡ ಗಾತ್ರದ ಕಾರುಗಳನ್ನು ಆಯ್ಕೆ ಮಾಡುತ್ತಿದ್ದಾರೆ.
ಮಾರುತಿ ಎಸ್-ಪ್ರೆಸ್ಸೊ ವೈಶಿಷ್ಟ್ಯಗಳು
- ಬೆಲೆ: ರೂ. 4.26 ಲಕ್ಷದಿಂದ ರೂ. 6.12 ಲಕ್ಷ (ಎಕ್ಸ್-ಶೋರೂಂ)
- ರೂಪಾಂತರಗಳು: ಎಲ್ಎಕ್ಸ್ಐ, ವಿಎಕ್ಸ್ಐ, ವಿಎಕ್ಸ್ಐ ಪ್ಲಸ್
- ವಿನ್ಯಾಸ: ಟ್ವಿನ್ ಚೇಂಬರ್ ಹೆಡ್‌ಲ್ಯಾಂಪ್‌ಗಳು, ಸಿ-ಆಕಾರದ ಎಲ್ಇಡಿ ಟೈಲ್ ಲ್ಯಾಂಪ್‌ಗಳು, 14-ಇಂಚು ಟೈರ್‌ಗಳು
- ಬಣ್ಣಗಳ ಆಯ್ಕೆ: ಬ್ಲೂಯಿಶ್ ಬ್ಲ್ಯಾಕ್, ಸಿಜಲ್ ಆರೆಂಜ್, ಫೈರ್ ರೆಡ್, ಗ್ರಾನೈಟ್ ಗ್ರೇ, ಸಿಲ್ಕಿ ಸಿಲ್ವರ್, ಸ್ಟಾರ್ರಿ ಬ್ಲೂ
ಗಾತ್ರ ಮತ್ತು ಸಾಮರ್ಥ್ಯ
- ಉದ್ದ: 3565 ಮಿಮೀ
- ಅಗಲ: 1520 ಮಿಮೀ
- ಎತ್ತರ: 1553 ಮಿಮೀ
- ಗ್ರೌಂಡ್ ಕ್ಲಿಯರೆನ್ಸ್: 180 ಮಿಮೀ
- ವೀಲ್‌ಬೇಸ್: 2380 ಮಿಮೀ
- ತೂಕ: 854 ಕೆಜಿ
- ಬೂಟ್ ಸ್ಪೇಸ್: 270 ಲೀಟರ್
- ಆಸನ ಸಾಮರ್ಥ್ಯ: 5
ಎಂಜಿನ್ ಮತ್ತು ಮೈಲೇಜ್
- 1 ಲೀಟರ್ ಪೆಟ್ರೋಲ್ ಎಂಜಿನ್: 67 ಪಿಎಸ್ ಪವರ್, 89 ಎನ್ಎಂ ಟಾರ್ಕ್, 5-ಸ್ಪೀಡ್ ಮ್ಯಾನುಯಲ್/ಆಟೋಮೆಟಿಕ್ ಗೇರ್‌ಬಾಕ್ಸ್
- 1 ಲೀಟರ್ ಸಿಎನ್‌ಜಿ ಎಂಜಿನ್: 57 ಪಿಎಸ್ ಪವರ್, 82 ಎನ್ಎಂ ಟಾರ್ಕ್, 5-ಸ್ಪೀಡ್ ಮ್ಯಾನುಯಲ್ ಗೇರ್‌ಬಾಕ್ಸ್
- ಮೈಲೇಜ್: 24 ರಿಂದ 33 ಕಿ.ಮೀ ಪ್ರತಿ ಲೀಟರ್
ಒಳಾಂಗಣ ಹಾಗೂ ವೈಶಿಷ್ಟ್ಯಗಳು
- 7 ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್
- ಆಂಡ್ರಾಯ್ಡ್ ಆಟೋ, ಆಪಲ್ ಕಾರ್‌ಪ್ಲೇ
- ಸೆಮಿ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್
- ಏರ್ ಕಂಡೀಷನರ್, ಪವರ್ ವಿಂಡೋಗಳು, ಕೀಲೆಸ್ ಎಂಟ್ರಿ
- ಬ್ಲೂಟೂತ್ ಮತ್ತು ಯುಎಸ್‌ಬಿ ಕನೆಕ್ಟಿವಿಟಿ
ಸುರಕ್ಷತಾ ವೈಶಿಷ್ಟ್ಯಗಳು
- 6 ಏರ್‌ಬ್ಯಾಗ್‌ಗಳು
- ಎಬಿಎಸ್, ಇಬಿಡಿ
- ಇಎಸ್‌ಪಿ
- ರೇರ್ ಪಾರ್ಕಿಂಗ್ ಸೆನ್ಸರ್
ಒಟ್ಟಾರೆ, ಕೈಗೆಟುಕುವ ಬೆಲೆಯಲ್ಲೂ ಉತ್ತಮ ಮೈಲೇಜ್ ಹಾಗೂ ವೈಶಿಷ್ಟ್ಯಗಳನ್ನು ಹೊಂದಿದ್ದರೂ ಗ್ರಾಹಕರ ಗಮನವನ್ನು ದೊಡ್ಡ ಗಾತ್ರದ ಹಾಗೂ ಆಕರ್ಷಕ ಎಸ್‌ಯುವಿಗಳು ಸೆಳೆಯುತ್ತಿರುವುದರಿಂದ ಮಾರುತಿ ಎಸ್-ಪ್ರೆಸ್ಸೊಗೆ ಡಿಮ್ಯಾಂಡ್ ಇಳಿಕೆಯಾಗುತ್ತಿದೆ.
